لا تقفل قفل و اتحسبه مامون **** اذا ترهم عليه كومة مفاتيح
و لا تعاشر بشر و اتورجه باسرار **** اذا ماي الحياء بگصته شحيح
و لا تتبع اثر بخدود الرمـــال **** اذا چانت مطر و مسودنه الريح
و لا تعاتب نخل ما حمل عثوگ **** خطية النخل بارگاب الفلاليح
و اذا مركب شله وحب ايد الگياش **** مو صوچ البحر صوچ الملاليح
اذا شطك حطب و جروفه **** نيران بعد تعتب عليمن عالسوابيح
اذا جنحك شمع والشمس تنخاك **** مو فشله لو ان ابابها اتطيح
اذا كلك خشب و اتصيحك النار **** شحالته الدم لو عالموقف يسيح
اذا بيت انهدم و اتساوا بالگاع **** يرد احسن بناءه بشيش تسليح
لچن بيت الاخلاق شلون لو طاح **** بعد لا سامح الله يصير تصليح؟[justify]